Elisabeth Eybers -- Heimwee

= = = = = = = = = = = = = = = = = = = = = = = = = = = = = = = = = = = = =

* wikipedia
* dbnl
* zuidafrikahuis
* Afstand en verbintenis







Heimwee

’n Huis is iets wat teen ’n helling staan
deur son gekonfronteer aan elke kant.
Maar let op: sê jy huis in hierdie land
dan dui jy drie beknelde kamers aan.

Hier is geen op- of afwaartsneiging, geen
geleidelike hemelvaart, geen lig
behalwe dié uit draad en glas verdig.
Die eendersheid is redelik en gemeen.

Agter ’n grou en anonieme wal
hys die abrupte trap jou uit die straat
op na die sogenaamde huis, en laat
jou later stiptelik in die straat terugval.

Nooit wesenlik, alleen kineties, mag
jou hartritmiek, jou ribbehok wat hyg
die dodelike waterpas ontstyg
terwyl jy knutsel aan ‘n nuwe dag.


Elisabeth Eybers (1915-2007)
uit: My radarhart laat niks ontglip (2013)






Na aanvankelijke weerstand tegen het Zuidafrikaans, een taal waarin zoveel racisme 
wordt geuit - zie hoofdstuk 7 - heb ik Eybers geaccepteerd als een dichteres die ik 
vertrouw. Aanvankelijk lezend als ‘resisting reader’ heb ik in haar werk geen racistische 
of anderszins reactionaire elementen gevonden.
- Maaike Meijer

= = = = = = = = = = = = = = = = = = = = = = = = = = = = = = = = = = = = =
Abonnees van Laurens Jz. Coster ontvangen iedere dag een gedicht per mail.
Aan- en afmelden: http://high5.nl/minimalist/?l=laurensjzcoster